–Горд сум што имаме вакви каратисти, кои постигнуваат огромни успеси на меѓународни турнири, од каде секогаш се враќаат со вредни награди и признанија. Како општина која вложува во развојот на спортот, и понатаму ќе продолжиме да им даваме подршка на нашите спортски клубови и да ги поттикнуваме на уште поголеми успеси нашите млади спортисти, истакна градоначалникот Алексовски.
Каратистите се заблагодарија за подршката која ја добиваат од градоначалникот и општината, истакнувајќи дека од нивна страна им се обезбедени сите услови за тренинг и подготовки за натпреварите, како што нема ниту една од останатите општини, па дури и од големите центри во земјава. Дел од каратистите се стипендисти на Министерството за образование и наука и на општина Крива Паланка заради покажаните успеси и таленти.
Претставници од Карате клубот „Крива Паланка“, кои се дел од македонската карате репрезентација, поточно помладите кадети Марија Спасовска и државниот првак во категоријата – 35 кг. Христијан Димитриевски, минатиот викенд учествуваа и на Балканското првенство во Херцег Нови, Црна Гора. Нашите каратисти следниот натпревар ќе го имаат на меѓународниот турнир во Власотинце, Србија.
Градоначалниот Алексовски истакна дека Крива Паланка и понатаму работи на развојот на спортот во општината.
– Со Агенцијата за млади и спорт потпишавме договор за изгрдба на уште едно повеќенаменско игралиште, кое ќе биде лоцирано во кругот на некогашната касарна. Истовремено, ке продолжи и изградбата на повеќенаменското игралиште и спортската сала во рамките на спортскиот комплекс, со што ќе ги заокружиме капацитетите за обезбедување соодветни услови за развој на сите видови спортови, рече Алексовски.