На 18.04.2017, трет ден Велигден, пред платото на Кривопаланечкиот музеј се одржа традиционалната манифестација „Велигденска традиција“, која по четврти пат ја организираат локалната установа Градски музеј и општина Крива Паланка.
Манифестацијата е посветена на велигденските обичаи и традицијата поврзана со чествувањето на големиот христијански празник Велигден и има цел зачувувања на традиционалните вредности и надополнување на Велигденските празнувања. Пред музејот владееше вистинска празнична атмосфера со велигденска трпеза на која се дегустираа слатки и солени специјалитети од овој крај, а беа изложени велигденски изработки и украсени велигденски јајца, приготвени од учесниците од најразлична возраст.
Настанот има натпреварувачки карактер, а доделени се награди за најубаво украсено велигденско јајце, најубава рачно изработена декорација со велигденски мотиви и за победникот во натпреварот за најцврсто јајце.
Присутните имаа можност да ги дегустираат специјалитетите кои како и декорациите се продаваа по симболична сума, а средствата се наменети за хуманитарни цели.
[embpicasa id=”6410622972420115121″]