Крива Паланка ја одбележа 70-годишнината од ослободувањето

Денот на ослободувањето на Крива Паланка, кој оваа година се празнува по 70-пат, беше одбележан со повеќе свечености на кои присуствуваа голем број гости од општината како и претставници на институциите и организациите со кои Општината остварува успешна соработка.

На свечената седница која се одржа по тој повод се обрати градоначалникот г.Арсенчо Алексовски.

На седницата беше доделена  осмооктомвриската награда за  2013 година, која Општината ја  доделува за особени постигнувања и резултати на поединци и институции.

Овва година наградата ја доби Заедничкиот технички секретаријат од ИПА Програмата за прекугранична соработка помеѓу Република Македонија и Република Буагарија – за успешна соработка со Општина Крива Паланка.  Во своето обраќање пред присутните г.Николај Дочев, претставник на Зедничкиот технички секретаријат ја искажа својата благодарност за добиената награда, а го истакна и придонесот на Општината во успешното имплементирање на ИПА програмата нагласувајќи притоа дека Крива Паланка е лидер со имплементирани 15 проекти од вкупно 100 колку се реализирани со оваа програма. Седум проекти се имплементирани од Општината, со вкупен буџет од 1.350.000 евра, а останатите се на училиштата и невладините организации.

Општинска делегација положи свежо цвеќе пред споменикот на паднатите борци од НОБ, а по повод општинскиот празник свечено беа пуштени во употреба три локални патни правци и тоа  с.Конопница – с.Мождивњак, с.Конопница – место викано Крст и Крива Паланка – с.Мартиница преку населба Скрљава.