Во пресрет на големиот музички настан што ќе се одржи на 29 август на Градскиот стадион во Крива Паланка, Општина Крива Паланка обезбеди повеќе паркинг зони, со цел безбедно и организирано пристигнување на посетителите и непречено одвивање на сообраќајот.
Паркинг-просторите се распоредени на повеќе локации во и околу централното градско подрачје, а за полесна ориентација на граѓаните и посетителите е подготвена и мапа со сите паркинг зони и директни линкови за навигација до секоја од локациите.
МАПА СО СИТЕ ПАРКИНГ ЗОНИ:
ЗОНА 1 – лева коловозна лента од ул. „Св. Јоаким Осоговски“ – ЛИНК
ЗОНА 2 – тротоарска површина покрај магистралниот пат – ЛИНК
ЗОНА 3 – Градски базен – ЛИНК
ЗОНА 4 – Мотел „Македонија“ и патот преку Бабин Дол и стариот пат кон „Св. Јоаким Осоговски“ – ЛИНК
ЗОНА 5 – Автобуска станица и речно корито кај Автобуската станица – ЛИНК
ЗОНА 6 – Катна гаража, Зелен градски пазар и речно корито кај Зелен пазар – ЛИНК
ВАЖНА СООБРАЌАЈНА ИНФОРМАЦИЈА
На 29 август сообраќајот ќе се одвива по кружен режим, согласно поставената сообраќајна сигнализација и насоките на надлежните служби. Ги повикуваме сите учесници во сообраќајот да го почитуваат воспоставениот режим, со цел безбедно и непречено одвивање на сообраќајот и намалување на сообраќајниот метеж.
Општина Крива Паланка апелира до сите учесници во сообраќајот да пристигнат навреме, да ја почитуваат поставената сообраќајна сигнализација и да ги следат насоките на надлежните служби, со цел безбедно и ефикасно регулирање на сообраќајот во услови на очекувана зголемена фреквенција.
Воедно, упатуваме апел до нашите сограѓани да бидеме добри домаќини – доколку се во можност, на 29 август да ги остават своите возила дома и да овозможат повеќе расположлив паркинг-простор за гостите кои ќе пристигнат во нашиот град.
Со одговорно однесување, меѓусебно разбирање и почитување на насоките, заеднички да придонесеме за безбеден, организиран и убав празничен ден во Крива Паланка.
Општина Крива Паланка