Општина Крива Паланка ги поканува сите заинтересирани граѓани да присуствуваат на презентација на реноминараната германска компанија VOLAPLAST OOD – со седиште во Ќустендил, Република Бугарија, специјализирана за производство на автомобилски делови за брендовите BMW и Mercedes.
Настанот ќе се одржи на 28 април 2026 година (вторник), со почеток во 10:00 часот, во просториите на Општина Крива Паланка.
На презентацијата ќе присуствуваат претставници од менаџментот на компанијата:
- Ивон Герлах – прокурист,
- Николита Калвин – раководител на производство,
- Жоро Илиев – директор.
Во рамки на настанот ќе бидат претставени можностите за вработување во компанијата, условите за работа, како и перспективите за професионален развој и кариерно напредување во автомобилската индустрија.
VOLAPLAST OOD работи во Бугарија од 2021 година и моментално брои околу 120 вработени. Компанијата е дел од автомобилската индустрија и соработува со реномирани светски производители.
Општина Крива Паланка ги охрабрува сите заинтересирани граѓани за вработување да присуствуваат на презентацијата и непосредно да се информираат за понудените можности за работа во оваа реномирана германска компанија.
