Dear All,
На ден 9 мај ( петок) традиционално, но и љубилејно по петти пат во Општина Крива Паланка ќе се реализира големата Еколошка акција насловена како Генералка Викенд.
Оваа масовна еколошка акција е произлезена од организацијата МЕН енд Моунтаин и истата во изминатите четири години во нашата општина е подржана масовно и мошне успешно од страна на локалната заедница, бизнис секторот, јавните претпријатија, еко одбори на училиштата и градинки, граѓански здруженија , спортски здруженија, заедници на станари и разни други организации и групи на граѓани .
Секојдневно се зборува дека градот ние еден од најчистите, дека се селектирааат голем број на видови на отпад , тоа пак е заслуга на се поголемиот број на одговорни и совесни граѓани , на млади лица кои сакаат да живеат , да работата, да спортуваат и се рекреираат во чиста и убава животна средина и природа.
Затоа Ве повикуваме и овој пат да се вклучите сите кои сте во можност во оваа благородна и опшествено одговорна еколошка акција .
Заедно сите да допринесеме да ја направиме нашата општина уште почиста и поубава.
Да одвоиме барем малку време и да излеземе сите заедно, во ист ден ,во исто време и со иста цел – сите да покажеме со личен пример и опшествена одговорност колку ни е важна природната средината и околината во која живееме , колку ни е важна работната средина каде работиме, да покажеме дека отпадот треба да се селектира и да се остава на определени места предвидени за негово одлагање.
Искрено се надеваме на подршка од сите Вас бидејки ова не се прави за некој друг туку за самите себе и за нашите идни генерации .
Да покажеме висока Граѓанска и Еколошка свест на нашата општина кога се работи за животната средина и природата и да се вклучиме во што е можно поголем број во оваа голема еколошка акција.
Да одвоиме неколку часа за животната средина , за природата , за самите нас и за идните генерации.
Контакт телефон во врска со акцијата 075 236 557.
