logo

Проект „Иднина“

ООУ Јоаким Крчовски  дел од меѓународен проект преку програмата Erasmus+ со наслов ИДНИНА
(
FUTUREFuture Unique To Es, Robotics and E-Learning)

Програмата „Еразмус” е двигател на модернизацијата на образованието  во Европа и има за цел да придонесе за развој на Европа како напредно општество на знаење со одржлив развој, поголема општествена кохезија, подобри работни места и подобри работни искуства  за своите граѓани.  Со цел постигнување на овие цели, програмата поттикнува размена, соработка и мобилност на наставен и ненаставен  кадар, ученици и студенти на подрачјето на Европа.   

Училиштето „Јоаким Крчовски“ е активен учесник во Еразмус програмата веќе неколку години и активно ги применува европските норми за подобрување на образованието низ размена, соработка и мобилност на наставен кадар.

 Од 01.09.2018 година, ООУ Јоаким Крчовски” – Крива Паланка е по вторпат училиште партнер во меѓународен проект ИДНИНА (FUTURE) преку програмата Erasmus+. Главен координатор на проектот е Португалија, а проектот ќе трае две години односно до 31.08.2020 година. Во рамките на проектот се вклучени основни и средни училишта од Португалија, Турција, Литванија, Полска и Македонија и истиот ќе се одвива на англиски јазик. Проектот е финансиран од Националната агенција за Европски образовни програми и мобилност. Главните цели на проектот се:

– Подобрување на математичките вештини со кодирање (алгоритми и математички размислувања,

– Стекнување на вештини: Како се кодира?

– Основи на роботиката преку математиката и природните науки,

– Web 2.0 Tool,

– Употреба на Web 2.0 и интернетот во секојдневната работа,

– Комуникација и усовршување на странските јазици,

– Запознавање на различни култури и учење за меѓусебна култура.

Уште еднаш нашите ученици и наставници ќе бидат во можност да разменат искуства со свои колеги од други држави, а со тоа и да го подобриме наставниот процес и успехот на учениците.

Се надеваме на успешна работа.

Активности во месец ноември

Во рамките на проектот Еразмус +, FUTURE (Иднина), во периодот од 26-30 ноември 2018год, во Вила Реал де Санто Антонио во Португалија се реализира првата средба помеѓу партнерите од проектот.
На почетокот на средбата училиштето домаќин имаше подготвено богата програма со која учениците преку песна и модерен танц ни посакаа топло добредојде. Потоа започна обиколка на училишниот комплекс, разгледување на просториите започнувајќи со неколку канцеларии за наставниците секоја за посебна намена, преку опремените кабинети и училници со смарт табли и проектори. 
 
Директорот на училиштето ни посака добредојде и успешна работа, со желби за понатамошна соработка, а воедно сите тимови одржаа презентација претставувајќи се себеси, училиштето, градот и земјата од каде доаѓаат со цел да се запознаеме и соработуваме подобро. 
 
При разгледувањето на училиштето, посебно бевме воодушевени од организацијата, достапноста, дисциплината, хигиената, гостопримството, како и училишната менза каде учениците секојдневно добиваат здрав оброк.  На одморите учениците имаат избор да играат пинг-понг во училишниот двор, да одат во училишната библиотека која изобилува со литература, компјутери и дополнителен материјал за да можат да се подготват за следните часови. 
 
Организираната посета на градот ни посочи за местоположбата на градот, кој се наоѓа на самата граница со Шпанија овозможува и го одредува минатото, но и иднината бидејќи сите работи се поврзани со близината со Шпанија и Атланскиот Океан.
 
Оваа средба меѓу партнерите беше збогатена со обука и практични вeжби за алатките web 2.0 од страна на експерти. Исто така, имаше натпревар меѓу најдобрите логоа изработени од учениците од земјите-партнери на кој за најдобро лого беше избрано логото на ученичката Андријана Илиевска од 9-1 одделение од ООУ „Јоаким Крчовски”.
 
Учесниците разговараа и се договараа за понатамошниот тек на проектот.
 
 Активности во месец декември

Во текот на првата работна средба во Португалија преставниците од ООУ Јоаким Крчовски пред присутните наставници од уште 4 држави го претставија прво основното училиште Јоаким Крчовски од кое доаѓаат, потоа градот Крива Паланка и на крајот државата Република Македонија преку кратки филмови и презентации. Филмовите и презентациите беа изготвени заедно со учениците од  ООУ Јоаким Крчовски и во соработка со општината Крива Паланка. Најзначајната придобивка од овие средби беше исполнета, а тоа е претставување во најдобро светло на општината и државата од која доаѓаме.

По враќањето од работната средба во Португалија, професорот по математика Далибор Стоилковски  и професорката по француски Елена Николовска, кои присуствуваа на обуката за Web 2.0 Tools, извршија дисеминација помеѓу колегите од ООУ Јоаким Крчовски. Имаше голема заинтересираност од страна на колегите кои сакаа да научат нешто за новите интернет алатки кои ќе им помогнат во работата, оценувањето, подготовките за часовите како и текот на самите часови.

Пред почетокот на дисеминацијата на ученичката Андријана Илиевска од 9-1 одделение и беше врачена диплома и награда за освоеното прво место на конкурсот за лого, спроведен во рамките на овој проект.

Сите учесници на дисеминацијата освен со нови знаења се здобија и со сертификати за учество.  Тимот од проектот продолжи со своите активности во текот на месец декември бидејќи следната работна средба беше веќе закажана за последната недела од март во Шулеи, Литванија.

Активности во месец  јануари

По завршувањето на зимскиот распуст дисеминација за Web 2.0 Tools беше спроведена и пред дел од учениците од 7,8 и 9 одделение во  ООУ Јоаким Крчовски.  Професорот по математика Далибор Стоилковски  и професорката по француски Елена Николовска ги запознаа учениците со некои основни алатки како што се: Plickers, QR Code, Quiver Vision, Google forms кои ќе ги среќаваат при работа во активностите поврзани со проектот . Пред почетокот на предавањето учениците пополнија прашалник за нивното познавање и користење на интернетот и времето што го поминуваат пред телефонот и компјутерот. Овој прашалник ќе ни биде показател за тоа што ќе се промени кај навиките на учениците во врска со користењето на интернетот до крајот на проектот, бидејќи целта на проектот е да се искористи времето поминато на интернет да се научи нешто ново или да се повторат стекнатите знаења.  Учениците кои присуствуваа на дисеминацијата ќе имаат можност да учествуваат во активностите поврзани со проектот, а воедно и да посетат некое од партнерските училишта.

На 05.02.2019 година во рамките на проектот Иднина беше одбележан и денот на Сигурноста на интернет – „Internet Safety”. Учениците гледаа презентација за тоа што значи интернет безбедност и направија постери на истата тема

 

Координатор на проектот

Тања Димитровска-Шкрбиќ

 


Големина на фонт
Контраст