Крива Паланка од вчера до 23 септември ќе биде домаќин на осмиот Меѓународен театарски фестивал „Свети Јоаким Осоговски“ на кој ќе настапат реномирани театарски куќи oд Македонија, Србија, Бугарија, Босна и Херцеговина и Хрватска.
Фестивалот беше отворен вечер во 20 часот со официјалното кревање на фестивалското знаме, по што беше доделено признанието „Лауреат на фестивалот“ кое годинава и припадна на позната актерка и директор на „Театар Комедија“, Јелена Жугиќ. Говор за делото на Жугиќ одржа театарскиот критичар Лилјана Мазева.
Фестивалската програма ќе почне вечерва, во 20 часот, со настапот на Театар комедија со претставата „Стјуардеси“ на Марк Камолети. Во петок со почеток во 12 часот во Локалната установа „Градски музеј“ Крива Паланка ќе биде промовирано делото „30 години литературно творeштво на Трајче Кацаров“, а вечерта настапува Народен театар Тузла, Б и Х, со „Свршувачка“ од Чехов.
На репертоарот се и настапите на Народен театар „Бора Станковиќ“ од Врање, НУЦК „Трајко Прокопиев“, Театар Кумановo со „Идиоти“, промоција на романот „Претстава“ од Гоце Ристовски, продукција „Како ви е драго“, Белград, НТ „Невена Коканова“, Дупница, НТ „Стерија“, Вршац и студио „Призор“ од Белград.
Фестивалот ќе биде затворен во петок 23 септември со настапот на младите актери од драмско студио при Нацонална установа „Центар за култура“, Крива Паланка со претставата „Не играј на Англичаните“ во режија на Глигор Цветковски.
Покровител на Меѓународнито театарски фестивал „Свети Јоаким Осоговски“ е Општина Крива Паланка. Сите фестивалски вечери започнуваат во 20 часот, а претставите се одигруваат на сцената во Центарот за култура. Влезниците се со симболична цена од 50 денари, а собранатa сума ќе биде донирана во хуманитарни цели.
