Ученикот Јан Митовски од ООУ „Јоаким Крчовски“ – Крива Паланка на 5 март учествуваше на Европската олимпијада по историја во Рим-Италија.
Во номинацијата – литературен состав на историската тема „Војните на Наполеон Бонапрата” Јан го освои високото III место, во конкуренција од 90 учесници на следниве европски земји: Белорусија, Велика Британија, Германија, Грција, Грузија, Италија, Казахстан, Македонија, Португалија, Русија, Украина, Швајцарија, Финска, Чешка, Полска, Бугарија и Естонија.
Му го честитаме на Јан првиот значаен успех.
