Започна Меѓународниот фолклорен фестивал Свети Јоаким Осоговски

Во рамки на Кривопаланечкото културно лето вчера започна десеттиот Меѓународен фолклорен фестивал Свети Јоаким Осоговски. Фестивалот започна со дефиле на учесниците, кои со своите колоритни носии и интересни кореографии го привлекоа вниманието на посетителитe.

На ова фестивалско издание учествуваат фолклорни ансамбли од Романија, Србија, Црна Гора, Словачка, Бугарија и Македонија.

Организатор и покровител на фестивалот е Општина Крива Паланка со поддршка на Министерството за култура и Центарот за култура од Крива Паланка.