Асфалтирање на просторот околу новата автобуска станица

Во текот  на вчерашниот ден се изврши асфалтирање на делот кај новата автобуска станица по претходно извршените градежни активности за поставување на атмосферска канализација со нови цевки, поставување на тампонски слој и слој асфалт. Вкупно беа асфалтирани околу 650 метри квадратни. Со асфалтирање на овој дел се добиваат нови паркинг места кои се неопходни за градот.

Градежните активности продолжуваат и во текот на наредните денови на повеќе локации на територијата на општина Крива Паланка.

Изведувач на градежните работи е  градежната фирма  „Лабино Трејд“ од Гостивар.