Почитувани граѓани,
Во периодот од 18 до 22 ноември 2013 година, Општина Крива Паланка ќе го реализира проектот „ДЕНОВИ НА ИДЕИ ПРЕДЛОЗИ И ПРОЕКТИ“ согласно своите заложби за активна партиципација на граѓаните во процесот на креирање на локалните политики.Граѓаните своите идеи можат да ги достават во просториите на Одделението за jавни дејности, економски развој и информатичка технологија во Општина Крива Паланка (малата зграда зад општината), во периодот од 18 до 22 ноември, 2013 година, секој работен ден од 8 до 16 часот.
Ги покануваме и охрабруваме граѓаните своите ИДЕИ, ПРЕДЛОЗИ И ПРОЕКТИ од областа на комуналните работи, урбанизмот, образованието, спорт, култура, како и развојот на мали и средни бизниси и слични теми од економијата и др. да ги достават во Општината. Идеите може усно да ги презентираат на службените лица, да ги достават во писмена форма, но граѓаните имаат можност своите идеи да ги презентираат и достават и по телефон на бројот 031 372 130, како и по електронска пошта на [email protected]; [email protected].
Секоја издржана идеја, предлог, проект, мерка, потреба од граѓанин, всушност сѐ за што ќе се изјаснат граѓаните, а е во ингеренција и надлежност на локалната самоуправа, сериозно ќе се разгледа и стане дел од годишните програми за работа на Општина Крива Паланка.
Општина Крива Паланка
Градоначалник,
Арсенчо Алексовски