На 21 Март 2013 година, Денот на екологијата, пред училиштето Јоаким Крчовски од Крива Паланка, беше кренато Зеленото знаме, во знак на добиениот статус на Еко-училиште. За успешна реализација на Еколошката програма, активно се вклучија сите наставници, ученици, Советот на родители, Локалната самоуправа, локално комунално претпријатие, локалните медиуми, како и локалната бизнис заедница. Исто така, училиштето соработува со Светската фондација за еколошка едукација, националниот оператор за сите програми во нашата држава, ОХО, Министерството за образование и наука на Р Македонија, како и Швајцарската агенција за развој и соработка.
Свеченоста беше пропратена со кратка приредба, подготвена од учениците од нашето училиште, како и кратко обраќање на директорот на училиштето г. Драган Ристовски и градоначалникот г.Арсенчо Алексовски. Сега училиштето е едно од 37-те училишта кои се препознатливи на светско ниво на кои им се нуди различна можност и начин за соработка со други училишта, како во државата, така и надвор од неа.
