На 6-ти октомври Општина Крива Паланка ќе спроведе акција за чистење во рамките на проектот „Македонија без отпад 2012“, организиран од страна на Министерството за животна средина и просторно планирање и Асоцијацијата за чиста животна средина „Ајде Македонија“. Акцијата ќе започне во 8,00 часот. Во оваа акција ќе бидат вклучен
- Општина Крива Паланка
- ООУ„Јоаким Крчовски“;
- ООУ „ Илинден“;
- СОУ „Ѓорче Петров“;
- Јавно комунално претпријатие„Комуналец“;
- Подрачно одделение за заштита и спасување – Крива Паланка;
- Подрачно одделение за управување со кризи – Крива Паланка;
- Граѓани кои се заинтересирани да дадат свој придонес во реализација на активностите предвидени со оваа акција.
Како активности за СОУ „Ѓорче Петров“, ООУ „Јоаким Крчовски“ и ООУ „ Илинден“ се предвидени:
- Поставување на Собирни пунктови на кои граѓаните и учениците би оставале стара хартија. Собраната хартија преку Асоцијацијата „Ајде Македонија“ ќе биде превземена од „Медиа Принт Македонија-МПМ“.
- Уредување на училишните дворови и училишните простории. Собраниот комунален отпад да биде превземен од страна на ЈП Комуналец и транспортиран до градската депонија.
- Реализирање на еколошки предавања на учениците според подготвени материјали од страна на „Ајде Македонија“.
Училиштата е потребно да ги евидентираат активностите на web страна на Ајде Македонија(ajdemakedonija.mk) .
Општина Крива Паланка определи четири локации на диви депонии кои се предвидени за расчистување:
- Село Мождивњак, во близина на подрачното основно училиште;
- Улица Климент Охридски (Населба Цонев Рид);
- Населба Единство;
- Мотел Македонија и патот покрај долот кој води до Манастир „Св. Јоаким Осоговски“.
Во расчистување на овие диви депонии ќе бидат вклучени времено ангажираните лица од Општина Крива Паланка, а во расчистување на овие диви депонии можат да се вклучат и сите заинтересирани граѓани.
Собраниот смет од страна на ЈП „Комуналец“ ќе биде транспортиран до градската депонија.
Во акцијата ќе бидат вклучени и вработените во Општина Крива Паланка, ЈП„Комуналец“ како и вработените во Подрачното одделение за управување со кризи и Подрачното одделение заштита и спасување кои ќе вршат чистење на речното корито на Крива Река.
Општина Крива Паланка апелира до сите граѓани кои имаат лоцирано диви депонии истите да ги пријават најкасно до петок ( 05.10.2012 год.) до 16,00 часот до Овластениот Комунален инспектор Зоран Павловски, телефон 078353430 или во канцеларија број 36 во Општина Крива Паланка, како би можеле и тие диви депонии да бидат вклучени во оваа акција.
Сите овие активности од страна на Општина Крива Паланка ќе бидат регистрирани на web страна на Ајде Македонија (ajdemakedonija.mk).