Во текот на вчерашниот ден Градоначалникот Арсенчо Алексовски заедно со дел од стручните служби од општинската администрација на Крива Паланка, изврши увид на новопојавените одрони и свлечишта на локалниот пат Крива Паланка – с.Станци. На лице место се разгледуваа мерки и активности кои ќе се преземат за расчистување на истите. Состојбата на овој локален пат е алармантна и во зависност од временските услови не е исклучено појава на нови одрони и свлечишта.
Исто така беше извршен увид во градежните активности околу проширување на трасата на новопроектираниот пат од Крива Паланка кон Манастирот Св.Јоаким Осоговски.
