Празникот на вљубените Св.Валентин одбележан во ученичкиот дом „Боро Менков“

Во ученичкиот дом „Боро Менков“ од Крива Паланка, во пресрет на католичкиот празник „Св.Валентин“, се оддржа креативна работилница за одбележување на празникот на вљубените. Повторно волонтерите од Америка, Линда, Мишел и Џастин, беа водачи на работилницата, како дел од соработката што волонтерите ја имаат со ученичкиот дом повеќе од една година.

Оваа работилница имаше особено значење за децата, младите и сите вклучени во неа, бидејќи се празнуваше љубовта низ мултикултурализам, комуникација и креативност. Младите подаруваа еден на друг срциња и нараквици кои сами ги изработија. На оваа работилница дојде до израз и соработката на домот со локалната средина бидејќи беа поканетите деца од градот кои исто така беа дел од овој настан и со задоволство сите заедно се дружеа и разменуваа идеи.

Како најинтересен дел од овој хепенинг во чест на Денот на вљубените беше забавата со колачиња во форма на срце, музика и игра. Со желба за повторна средба сите се разделија со уште едно позитивно искуство од меѓусебното дружење.