Општината Крива Паланка со ангажирање на пет невработени лица во текот на овој месец спроведе чистење на голем број објекти за одведување и пропуштање на атмосферски води, како дел од превентивни дејства за заштита од поплави, а со цел создавање на услови за нормално истекување во случај на појава од поголеми води во населбите.
Се изврши чистење на отворени канали, цевчести пропусти, сливници и други објекти од акумулиран земјен материјал и разновиден отпад.
Оваа активност започна во средината на месец октомври и ќе трае до средината на месец декември 2018 година. Во овие активности се исчистени над 30 водопропустни и одводни објекти, од кои се извадени над 90 м3 на материјал.
Фото галерија