На 29 јуни 2018 година во просториите на ЗЕЛС тренинг центарот се оддржа советување за членовите на Мрежата на лицата за односи со јавноста од општините на тема: „Управувањето со внатрешната комуникација – важен услов за транспарентно работење на општината“.
ПР лицето од општина Крива Паланка, делегирано во Мрежата, беше покането пред присутните да ги презентира и сподели добрите практики на општината во спроведувањето на односите со јавноста. Во досегашното работење, Општина Крива Паланка е препознаена и призната како позитивен модел на отворена, транспарентна и услужна општина, која преку градењето на капацитетите на општинската администрација од една страна, и воспоставување на континирана доверба и партнерски однос со граѓаните од друга, работи во насока на забрзан и квалитетен развој во интерес на сите, а за успехот во оваа област, говорат и наградите и признанијата од релевантни институции и организации.
На работиницата од страна на претставникот на ЗЕЛС, г-ѓа Весна Арсовска-Динковска, беше нагласено, дека радува фактот што во континуитет локалните власти се повеќе посветуваат внимание на ангажирањето на професионални лица за односи со јавноста, а веќе во некои единици на локалната власт (ЕЛС) се забележува и формирање на одделенија, па дури и на сектори за комуникации. Имајќи во предвид дека оваа професија бележи најдинамични и најбрзи промени при нејзиното практикување, од особена важност е да се обезбеди континуирано надградување и обучување на овие лица, како и брзо и ефикасно меѓусебно споделување на искуствата што се стекнуваат во текот на работењето, па во тој контекст е и нејзиното залагање за брзо и ефикасно споделување на добрите практики од работењето во сите области кои се во надлежност на локалната власт.
