Општина Крива Паланка активно се вклучи во еколошка акција под наслов „Почиста животна средина за подобра иднина“.
Носители на акцијата се вработените во Локалната самоуправа на Општина Крива Паланка и Јавното претпријатие „Комуналец“ како и вработените во институциите и учениците и наставниците од осоновните и средното училиште, вработените од приватниот бизнис сектор, здруженија на граѓани, месни заедници и воопшто граѓаните на Крива Паланка.
Целта на акцијата е да се исчисти отпадот кој се наоѓа на несоодветни места, на зелени површини во градот и приградските населби во нашата околина, да се развива свеста кај граѓаните за правилно управување со отпадот и да ја потврдиме заедничката одговорност во остварување на заложбата за почиста животна средина и поубава и посреќна иднина.
Акцијата опфати собирање отпадоци од јавните и зелените уредени и неуредени површини, крај патни површини, паркиралишта, спортски терени, речни корита, дворни површини на колективните згради и институциите. Распоредени во групи, на повеќе локации во градот, во кејот на Крива Река, долж ролерско-велосипедската патека, на патот кон манастирот, учениците и нивните наставници, но и сите останати граѓани, дадоа свој придонес и ја направија оваа акција успешна.