Општина Крива Паланка преку ангажирање на вработените во Локалната самоуправа, вработените во ЈП „Комуналец“, вработените во ДЗС – Крива Паланка, потоа со вклучување на еколошките секции и еко одбори на основните училишта „Јоаким Крчовски и „Илинден“ и средното училиште „Ѓорче Петров“ успешно ја реализираа еколошката акција „Македонија без отапад“.
Во оваа акција зедоа учество над 250 учесника, кои чистеа на 13 локации од кои е собрано над 100 м3 на разновиден комунален отпад. Акцијата покрај ударниот термин на 3 октомври 2015 година, од страна на ЈП „Комуналец“ – Секторот отпад беше спроведена и неколку дена порано со чистење и собирање на отпадот околу контејнерите и другите садови за отпад во приградските населби.
Се очекува од граѓаните отпадот кој го создаваат во своите домаќинства да го фрлаат на определените места, во садовите за отпад.
