logo
  • Видео Информации

  • SAM_1098

    Денеска во организација на Училишниот спорт од Крива Паланка, а под покровителство на градоначалникот на Општина Крива Паланка, Арсенчо Алексовски, се одржа седмиот по ред Општински крос 2016.

    На манифестацијата учествуваа ученици од основните училишта од трето до девето одделение и од средното училиште од прва до четврта година, во две категории машки и женски.

    Должините на патеките по кои истрчаа беа различни при што за секоја категорија прво, второ и трето палсираните добија диплома и медалја.

    Честитки за победниците и успеси во натамошните натпревари.


    13139125_852818344823458_5073946551165825571_n

    Третата манифестација „Велигденска традиција 2016 “се одржа пред платото на Градскиот музеј Крива Паланка во понеделник, втор ден Велигден.

    – Манифестацијата има цел да ги зачувува традиционалните вредности поврзани со големиот христијански празник Велигден, кој ги собира семејствата и најблиските во една убава празнична атмосфера, која ја слави победата на животот над смртта. Преку работилниците посветени на обичаите, сакаме на помладите да им ги пренесеме традициите по повод Велигден, учејќи ги да ги почитуваат и да му се радуваат на празникот, изјави Драган Величковски, директор на Градскиот музеј Крива Паланка.

    Градоначалникот на Крива Паланка Арсенчо Алексовски рече дека радува фактот што манифестацијата станува се помасовна од година во година.

    – Веќе три години со овој настан, во екот на велигденските прослави успеваме да ги собереме на едно место нашите сограѓани и нивните бројни гости за празникот. Годинава, дополнително, нашито град е преполн со туристи, поради совпаѓањето на Велигден и Први мај, а собирот е уште повеќе посетен, потенцира Алексовски.

    На „Велигденска традиција 2016“ се одржа избор на најубаво украсено велигденско јајце, најубава рачно изработена декорација со велигденски мотиви и натпревар за најцврсто јајце. Учествуваа ученици од основните училишта во градот и детската градинка „Детелинка“, како и голем број граѓани од сите возрасти.

    На штандовите беа изложени и декоративни изработки кои се продаваа по симболични цени, а собраните средства се наменети за хуманитарни цели.

    Манифестацијата ја посетија неколку илјади луѓе кои имаа можност да дегустираат солени и слатки велигденски специјалитети приготвени од вештите кривопаланечки домаќинки. Покровител на манифестацијата е општина Крива Паланка.


    dneven_centar

    Денеска , 28 aприл 2016 година, по повод претстојните Велигденските празници, децата со посебни потреби од  Дневниот центар беа во посета кај градоначалникот Алексовски.   При посетата  тие традиционално му подарија вапцани јајца кои што сами ги изработуваат.

    dneven_centar


    13061978_1062125990524876_6086829457687181149_n

    На барање на ЈЗУ Здравствен Дом Крива Паланка,  доставено до совет на Општина Крива Паланка за санација на пристапот околу Здравствениот дом поради лошата состојба на иститот, Советот на Општина Крива Паланка одлучи да го прифати барањето и во рамки на градежните активности за асфатирањето на територијата на Општината да извршии санација на пристапот околу здравствениот дом. Во текот на изминатите два дена се започна со градежни активности и во зависност од временските услови се очекува истите да завршат за една недела при што ќе бидат заменети над 700 м2 оштетен асфалт.

    Изведувач на градежните активности е градежната фирма „Лабино Трејд“  од Гостивар.

    13051742_1062125993858209_8982767120247296329_n 13061978_1062125990524876_6086829457687181149_n 13077083_1062126033858205_8620209436219546118_n 13094139_1062126043858204_963880100882591932_n


    IMG_20160424_124548

    Учениците од ООУ „Јоаким Крчовски“ од Крива Паланка  под водство на професорката Лариса Жулна-Митовски на одржаниот, на 24 април,  регионален натпревар во Куманово, по хор, оркестар, вокална и инструментална интерпретација освоија видни резултати.

    Оркестар – прво  место

    Дуети:
    Теодора Станојковска и Теодора Стојановска  – прво  место
    Симона Стојковска и Лора Николовска  – прво  место
    Деспина Велиновска –  трето место во соло пеење
    Теона Величковска –  пофалница  во соло пеење

    Регионалните хорски и оркестарски смотри имаат традиција од над две децении, а победниците ќе одат на републички натпревар во Кавадарци.

    Честитки за постигнатите успеси на учениците и менторката, како и многу среќа во идните  натпревари!

    IMG_20160424_124548 IMG_20160424_134547 IMG_20160424_141831 IMG_20160424_141938DSC_0073


    pokani za veligdenska tradicija 2016.1

    pokani za veligdenska tradicija 2016.1Општина Крива Паланка и ЛУ Градски Музеј Ве покануваат за учество во манифестацијата „Велигденска традиција“. Манифестацијата ќе се одржи на 2 мај (понеделник) со почеток во 11 часот.


    novosti-default

    Во организација на Училишниот спорт од Крива Паланка, а под покровителство на градоначалникот на Општина Крива Паланка, Арсенчо Алексовски, на 03.05.2016 година со почеток во 10.00 часот, на Градскиот стадион ќе се одржи Општинскиот крос натпревар 2016.

    На оваа традиционална манифестација ќе учествуваат ученици од основните училишта „Илинден“ и „Јоаким Крчовски“ и средното училиште „Ѓорче Петров“  во Крива Паланка.

    Должините на патеките за трчање се различни, според возраста на учениците и ќе бидат поделени во шест категории, а во секоја категорија ќе има по две групи (машки и женски).

    Трето и четврто одделение ќе трчат на 200 метри, учениците од петто и шесто одделение на 300 метри, седмо и осмо на 400 метри, деветто одделение на 600 метри, а средношколците во две категории ќе трчаат на 800 метри.

    Првопласираните три места  во поединечна конкуренција  ќе бидат наградени со дипломи и медалји (златна-сребрена-бронзена).

     


    943743_1059409037463238_7427704133087256426_n

    Во текот на изминатата недела, Општина Крива Паланка изврши замена на оштетените асфалтни површини на дел од улица “Илинденска”, при што беа вградени над 700 м2 нов асфалт.
    Градежните активности околу санирање на оштетени асфалтна површини продолжува и во текот на наредните денови согласно предвидената динамика и временските услови.
    Изведувач на градежните работи е градежната фирма “Лабино-Трејд” од Гостивар.


    _DSC0367

    На 20 април 2016 година, во манастирскиот комплекс Св.Јоаким Осоговски во Крива Паланка, се одржа втор состанок на групата заинтересирани страни за развој на Пчињски регион.

    Иницијативата за овој состанок произлезе како активност од проектот за Поттикнување на регионалната соработка и рамномерен територијален развој на земјите од Западен Балкан во процесот на интеграција во ЕУ , поддржан од Постојаната работна група за развој на регионален рурален развој (SWG) во Југоисточна Европа.

    Целта на средбата беше дискусија во врска со анализа на тематските области преку оценка на природните, културните и човечките ресурси, животната средина и инфраструктурата, како и можности за промоција и поддршка на локални производи во регионот Пчиња.
    Исто така, средбата имаше  за цел да се разговара за визијата на регионот, стратешките цели и приоритети и следните чекори кои се поврзани со истражување за утврдување на фактите потребни за работата на идните состаноци.

    Состанокот го отвори Градоначалникот на Општина Крива Паланка, Арсенчо Алексовски, а свое обраќање имаа универзитетскиот професор г-ѓа Сузана Ѓорѓевиќ-Милошевиќ и Предраг Марковиќ, менаџер на проектот.

    _DSC0433 _DSC0417 _DSC0367 _DSC0365


    13055693_723859104423900_5597512842535885917_o

    Општина Крива Паланка во рамките на Програмата за изградба, реконструкција ,одржување и заштита на локална патна мрежа за 2016 година во Општина Крива Паланка , започна со градежни работи за санација на дел од улицата  „Илинденска“.  Се санира дел од улицата со должина од околу 185 метри и се очекува да бидат заменети околу 850 м2 оштетен асфалт.

    Градежните активности околу санација на улиците во градот продолжува и во текот на наредните денови согласно предвидената динамика и временските услови.

    Изведувач на градежните работи е градежната фирма „Лабино-Трејд“ од Гостивар.

    12991065_723859107757233_890221624689074580_n 13055693_723859104423900_5597512842535885917_o