logo
  • Видео Информации

  • 13260113_741996859276791_7347172379335328858_n

    На 26 мај 2016 година, Амбасадорот на Народна Република Кина во Македонија Вен Женшун оствари посета на општина Крива Паланка.
    Во рамки на агендата Амбасадорот оствари состанок со Градоначалникот во неговиот кабиент, потоа ја посета фабриката за тексил ВЕИБО ГРУП, присуствуваше на пинг-понг турнир, а воедно ги посети и градскиот Музеј Крива Палака и манастирот Св.Јоаким Осоговски.
    Вен Женшун е првиот амбасадор на Народна Република Кина кој остварил посета на општина Крива Паланка.
    Градоначалникот Алексовски за време на посетата го запозна амбасадорот со работењето на општината, местоположбата, знаменитостите, потенцијалите за инвестирање и бизнис-климата, а за време на посетата на музејот и манастирот Св.Јоаким Осоговски амбасадорот доби слика и се запозна со културно-историското наследство на градот.
    Амбасадорот Женшун ги истакна импресиите од Крива Паланка, дека се чувствува прекрасно, особено поради тоа што има можност да биде во убав и чист град како што е Крива Паланка, а дотолку повеќе што се совпаѓа со датумот кога пред две години ја отпочнал својата амбасадорска функција во Република Македонија.
    За време на посетата беше разговарано и за можностите за понатамошна идна соработка на економски и културен план, имаше размена на идеи и мислења за надградба на соработка. За време на посетата на фабриката „Веибо груп“ која претставува кинеско-турска инвестиција од областа на конфекцијата и вработува 650 луѓе од градот од страна на менаџерот беше презентирана работата, поволностите и предизвиците со кои соочуваат.

    На турнирот во пинг-понг клубот од Крива Паланка амбасадорот беше запознаен дека Крива Паланка учествува во репрезентацијата на Р. Македонија со 2/3 од вкупниот број репрезентавици, кое наиде на особено воодушевување особено поради фактот што национален кинески спорт е токму пинг понгот.
    Во Градскиот музеј Крива Паланка со задоволство ја проследи презентацијата од страна на Директорот на Музејот Драган Величковски и ја посети изложбата на фотографии од локалитетот Кокино, а нескриени беа и импресиите од убавината на манастирот Св.Јоаким Осоговски и околината.
    Амбасадорот истакна дека ќе се заложи за остварување на соработка на компании од Крива Паланка – Р. Македонија и Н.Р.Кина од која било област и нивно поврзување за остварување партнерства кои ќе допринесат за развој на општината. Исто така ќе се заложи што повеќе кинески туристи да ја посетат и запознаат Крива Паланка особено знаменитостите и нејзините убавини.
    Градоначалникот Алексовски и Амбасадрот Женшун истакнаа дека во идниот период ќе продолжат со обостраната соработка и посети.


    IMG_7273 (Medium)

    На 24 мај традиционално по осми пат во организација на Општина Крива Паланка и АМК „Офф Роад Осогово“ се одржа ревијалната спортска манифестација „Рели Калин Камен 2016“. Манифестацијата се одржува во чест на сесловенските просветители Свети Кирил и Методиј.

    – Радува фактот што секоја година има се поголем број учесници, а изминатите неколку години оваа спортска манифестација добива и меѓународен карактер. Покрај бројните учесници од речиси цела Макеоднија – Велес, Пробиштип, Штип, Скопје, Куманово, Прилеп, Битола, Охрид, Крива Паланка, Кочани и Македонска Каменица, имаме учесници и од соседна Бугарија и Србија, нагласи градоначалникот Алексовски на стартот на релито.

    Од стартната позиција на градскиот плоштад тргнаа околу 120 џипови, 50-тина мотори и 10-тина офф роад возила, на браната Злетовица се приклучија учесници од Пробиштип, додека на Царев Врв се приклучија околу 50 џипови и 50-тина моторџии од Македонска Каменица и Кочани.

    Стартот на патеката е плоштадот во Крива Паланка, се минува низ прекрасните предели на Осоговските Планини, се до манастирот Свети Јоаким Осоговски, каде под покровителство на Општината се организира заеднички ручек за сите учесници.

    Должината на патеката е 64 километри, од кои 80 отсто е неасфалтиран пат, а највисоката точка до која се вози е Царев Врв (2.085 метри), втор по височина врв на Осоговието.


    13220546_795944440507529_1641891289429790836_o

    13220546_795944440507529_1641891289429790836_o


    ZA-NA-WEB-Plakat-RELI-KALIN-KAMEN-

    ZA-NA-WEB-Plakat-RELI-KALIN-KAMEN-

    Рели „Калин Камен 2016“


    13220690_738213976321746_8595855910514684130_o

    По повод 20 мај, Денот на пожарникарите, вчера во просториите на ТППЕ Крива Паланка се одржа крводарителска акција.

    13220690_738213976321746_8595855910514684130_o 13246246_738213979655079_647202735990301630_o


    13240076_794954963939810_3163693614227167857_n

    Вчера во просториите на ЛУ „Градски музеј“ во Крива Паланка беше одржана прес конференција за промоција на проектот ПОДОБРА ПРОМОЦИЈА ЗА ПОДОБАР ТУРИЗАМ. Проектот  е финансиран од Владата на Република Македонија во рамки на повикот за финансиска поддршка на здруженија и фондации за 2016 година, а имплементиран од страна на здружението Кластер за туризам – Крива Паланка.

    Проектот предвидува мапирање на туристичките локалитети на територијата на општините Крива Паланка и Ранковце, поставување информативни табли со огласен простор за полесна ориентација на туристите, но и за постирање огласи поврзани со транспорт, сместување, угостителство,… како и изработка на географско-информативни карти и веб-страница со сите потребни информации од соодветната област како база за промоција на туристичките локалитети.

    Вредноста на проектот 300 000 денари.

    13240076_794954963939810_3163693614227167857_n13256056_794955060606467_9198119147857111869_n


    00_00_01_07.Still002

    Ученици од ПОУ „Јоаким Крчовски“ од с.Нерав и с.Огут ја посетија Општина Крива Паланка каде се запознаа со работата на Градоначалникот и општинската администрација. Посетата е во рамките на планираните активности кои се во согласност со наставните содржини кои предвидуваат запознавање на учениците со работата на општината, нејзината организација и функционирање.
    За време на посетата учениците се запознаа со работата и тековните активности на Градоначалникот, а потоа продолжија во обиколка на одделенијата во кои работи општинската администрација и се запознаа со нивните надлежности во остварување и испорачување на јавните услуги кон граѓаните.

    IMAG5493

    Градоначалникот на општина Крива Паланка, г. Арсенчо Алексовски заедно со претставници на општинската администрација им ја честита матурата на 52-та генерација матуранти кои го завршија своето образование во средното општинско училиште „Ѓорче Петров“.

    Алексовски секоја година со особено задоволство на последниот училишен час ги посетува матурантите кои од овој момент се наоѓаат пред пресвртница и сериозна обврска да го одберат своето идно занимање и професија. Посакувајќи им успех во понатамошниот живот традиционално ги почести со торта, со надеж дека како и до сега ќе бидат достојни репрезенти на општината и дека некој од нив во иднина ќе ја води нашата општина – рече Алексовски.

    Директорот на СОУ „Ѓорче Петров“, Миле Милковски, исто така ги поздрави им го честита завршувањето на средното образование им посака матурската забава да помине во пријатна атмосфера, и повика на заедничка веселба и дружење, и убави спомени од средношколските денови .

    – Ова се денови кои засекогаш остануваат во сеќавањата на секој човек пред да тргне во битка со посериозните животни предизвици, им порача Милковски на матурантите и им посакаа успешна иднина и што помалку искушенија на тој пат.


    DSC01027

    По објавување на конкурсот за избор на идејно архитектонско урбанистичко решение на плоштадот во централното градско подрачје во Крива Паланка – плоштад „ВМРО“, на 11.05.2016 година се спроведе јавно отворање на пристигнатите идејни решенија.

    На овој објавен конкурс пристигнаа 4 идејни решенија под  соодветни шифри.

    Жири – Комисијата по разгледување на идејните решенија едногласно одлучи:

    -Првата награда да биде доделена на идејното решение со шифра СИД-16

    -Втората награда да биде доделена на идејното решение со шифра 111

    -Трета награда да биде доделена на идејното решение со шифра Паланка 2017

    Врз основа на идејните решенија ќе се распише јавна набавка за изработка на проект за изградба на плоштадот  ВМРО.

    Конкурсот се спроведе по претходно донесена одлука од страна на Советот на Општина Крива Паланка за објавување на конкурс за избор на идејно архитектонско урбанистичко решение на плоштадот во централното градско подрачје во Крива Паланка – плоштад ВМРО.

    Донесувањето на ваква одлука од страна на Советот ја иницираше Градоначалникот на Општина Крива Паланка Арсенчо Алексовски.


    13166004_1073474006056741_5564300435793356924_n

    Во текот на вчерашниот ден, Општина Крива Паланка започна со санирање на пристапиниот пат околу Здравствениот дом во Крива Паланка. На одредени места е извршено проширување на патот и нивелирање на истиот. Само во текот на вчерашниот ден беа вградени околу 900 м2 асфалт.Градежните активности продолжуваат и во текот на денешниот ден. Изведувач на градежните работи е градежната фирма, „Лабино –Трејд“  од Гостивар.